وفي يوم من أيام الامتحانات ...كنا في المدرج بنمتحن وكانت زميلتي معي في نفس المدرج ...
كنت مستغرقه في التركيز والوقت يداهمني
وفجأة .......
تطرق باب المدرج واحدة من بتوع الأمن وتقول شيئاً بصوت خافت للدكتور وتمشي ...
كنتُ في البنش الاول .. وكان قادماً نحو المعيدين والمعيدات اللي كانوا بيدونا في السكاشن فسألهم
" فين رفيدة و......." زميلتي
فأشارت المعيدة بأني أنا رفيدة
وأن زميلتي في الخلف
فنظر لي الدكتور وقال لي :" انتو عملتو حاجه؟
ورغم أن الوقت لايسمح لمثل هذه الدعابات .. ولكني رديت عليه متعجبة من السؤال " لا يادكتور .. ليه خير هو فيه حاجه؟؟"
فقال لي وهو يهمس :" انتي إخوان "
فاستغربت اكتر .. ولكني بدأت أفهم ماجري .. فابتسمت وقلت له " ليه يادكتور هو باين علينا حاجه لا قدر الله ؟
فقال لي " انتو عملتو ايه بجد
لم أحتمل .. قلت له " معلش يادكتور والله انا مزنوقه في الوقت .. وعندي امتحان لازم اركز فيه "
فالتزم الصمت ولكن لم يكف ّعن تلك النظرات المتسائلة .. تتابعاً مني الي زميلتي
فقال لي " بعد الامتحان ظابط الامن عاوزكم انتو الاتنين "
لم أستطع ان أمنع نفسي من تلك التساؤلات أثناء اجابتي للامتحان
( عاوزنا ليه ؟؟ امممممممم . اكيد عشان الورق(
طب هو هيعمل لنا ايه؟؟
طب ايه المانع يعني من شويه ورق زي دا .. انا مش عملت حاجه جامده يعني في الكليه ؟؟!!
قررت أن اسلم ورقتي قبل ميعاد التسليم بربع ساعه .. الحمد لله كنت قد أنتهيت من الاجابة ومراجعتها كمان .. فقلت انا هزهق لو قعدت الربع ساعه دي
بعد طلعت برا المدرج ... وجدت الاستاذه دي بتاعه الامن
ودار بيننا هذا الحوار
هي " ازيك يارفيدة ...عاملتي ايه في الامتحان ؟؟
انا :" اه الحمد لله حلينا ... ربنا يسهل يارب في باقي المواد .. هو حضرتك ماتعرفيش الظابط عاوزنا في ايه؟؟
هي " لا والله ياحبيبتي .. بس ماتقلقيش اكيد عاوز يبلغك كلمتين ولا حاجه .. عادي عادي
انتظرت في ركن كده مع صحباتي وكلهم بيسألوني .. هو فيه ايه؟؟
انتظرت زميلتي حتي تخرج من الامتحان .. ولما خرجت ..أقبلت عليّ وهي تضحك وكذلك أنا
فأصتحبتنا تلك الاستاذة بتاعه الامن وجاءت معها اساذة اخري ومعها مفاتيح بيدها .. كنت انا وزميلتي نمشي خلفهم وهم امامنا
وزميلتي تعلم أنني أخاف كثيرا من الظلام .. فأخذت تقول لي :
" رفيدة .. هيحطونا في اوضه ضلمه فيها فران :))
أعلم انها كانت تداعبني فأخذت اداعبها بنفس الطريقه وكأننا أ ُصبنا بهيستريا الضحك :))
وصلنا لمكتب سيــــــــادة الضابط ... وعشان هو سيادته مكنش في المكتب ...كان علينا أن ننتظره في مكتب الاستاذتان ..وحتي أ ُظهر انني انا وزميلتي مش فارقه معانا تلك المقابله .. أخذت اتعرف علي ال4 سيدات اللي في المكتب .. فقد كان الجو يعمه سكوت تام .. وهؤلاء السيدات كن ينظرن الي والي زميلتي نظرات استغراب ..
تكلمنا في امور كثيرة .. وبعد ذلك .. رجعنا الي الصمت مرة اخري ..وكنت في حاجة الي الراحة والنوم بعد الامتحان الذي دام 3 ساعات
فقلت لاحدي السيدات ." لو سمحتي والله ..لو الظابط ده هيتأخر كده .. احنا بردو تعبانيين وعاوزين نروح المدينه ننام "
قالتلي " لا لا .. دا هو جاي ..
وجاء الظابط ... ودخلنا مكتبه ... انا وزميلتي فقط
اخذت اتملق في مكتبه .. اه .. مكتب عن مكتب يفرق بقي
ولن أنسي أبداً طريقه تحدثه في الكلام
أول ما اتكلم قال :" كارنيهاتكم " .. فطلعنا الكارنيهات ...واخدها
ثم قال :" امممممممممم .. انتو اللي نشرتوا الورق دا " وكان عنده نسخه من الورقتين لا أعلم من اين أتي بهما
بعد محادثات طويله ومحاولات لأن اغير مسار الموضوع ...كان عنده خبر يين بأن احنا اللي وزعنا الورق
فقلت له :" طب وفيها إيه ...احنا ماشوفناش في الكليه حد عمل حاجه لموضوع غزه .. فقلنا نبادر احنا "
فرد عليا :" الورق ده مكتوب في نهايته .. الله أكبر ولله الحمد "
قلتله " ايوه ... ليه هي مكتوبة غلط ؟"
قالي : الشعار ده بتاع جماعه الإخوان المسلمين .. انتي من الاخوان ؟
قلتله :" شعار ايه .. دا ذكر لكل الناس .. انا عن نفسي أحب اكتبه في اي حاجه "
"
شخط فيا وقالي :" قلتلك الشعار ده بتاع اخوان مسلمين ... من اللي اداكي الورق ده "
قلتله " ده ورق كانوا بيوزعوه في كليه طب عند اخواتي .. فأنا اخدته وصورته.. عادي يعني "
قالي يبقي انتي اخوان .... محدش يكتب الله اكبر ولله الحمد الا الاخوان
قلتله :" انا صورت الورقه عشان المضمون اللي فيها .. عشان غزة ...وحضرتك ماسكلي الله اكبر ولله الحمد ... طب انا اعمل ايه يعني؟؟
وحيث اني انا وزميلتي لم نتفق علي حديث نقولهلو الضابط سألنا .. فكان علي احد منا انا يتحدث بمفرده ...والاخر يوافقه الرأي بقوله تمام أو ايون
فتزعمت أنا الحديث وكانت هي توافقني الرأي أو تأكده
قعدنا حوالي ساعه في المكتب .. رغم الارهاق اللي كنا فيه ... وهو مصمم بردو ان طالما احنا نشرنا حاجه مكتوب فيها الله اكبر ولله الحمد يبقا احنا اخوان
فقال لنا " الاخوان دول جماعه محظورة ...عاوزين يقلبوا نظام الحكم وهم اللي يمسكوه ..وبيحاولو يقنعوا الناس انهم علي صح .. انما غرضهم الاساسي قلب نظام الحكم والاستيلاء علي رئاسه الجمهوريه ..
كنت أسمع وأضحك من داخلي ...فاستكمل حديثه :" ولو عاوزين تنشروا حاجه .هاتوهالي الاول .. وماتكتبوش الله اكبر ولله الحمد .. المره دي انذار ليكم .. لو مرة لاقيتكم نشرتم ورقه واحده فيها الله اكبر ولله الحمد ....هيتم منعكم من دخول مادتين .. وانتو براحتكم بقا
اخدنا الكارنيهات بتاعتنا وروحنا المدينة
لا انكر انني تيار .. ولكن ..هناك الكثير من المواقف التي يجب التعامل معها بحكمه وذكاء شديدين حتي نتقي شر ما قد ينجم عنها ..الكثير من الطلبه والطالبات تم حرمانهم من دخول الامتحانات .. وكل هذا بسبب ( ورقـــــــــــــة) نشرت بالكلية .. فلم لا يتركونا وشأننا .. ولماذا نحن بالذات ؟ فهناك الكثير من الاســر بالكلية ولا يستطيع أحد أن يتفوه عنها بكلمة .. والتركيز كل التركيز علي شباب التيار ...!!!!!!!!!
ولطالما كان الوضع كذلك .. جعلت هدفي في هذه الكلية التفوق .. التفوق من أجل أمتي .. من أجل رفع راية الشرف أمام كل الناس وأولهم ظابط أمن الكلية الذي هددني بعدم دخولي لمادتين .... وليعلم أني أحب بلدي أكثر من أي شيئ أخر .. وأحب علمي لأنه مرضاة ً لربي ..فلك الحمد يا ربي علي نجاحي بإمتياز
...أحمدك يا وكيلي ..يا من نصفتني واصطفيتني بهذا التفوق ..وأدعوك ربي بأن تمن عليّ في السنوات القادمة بتفوق دائم ..وأن تعينني علي رفع رايه الحق في ظل ما نعيشه من واقع
فاللهم لك الحمد حمداً كثيــراً طيبــاً مباركــاً فيــه
اختى الكريمة ماحدث هذا قليل من كثير يحدث داخل الجامعة ولكنى مستغرب ان مش فيه طلاب اخوان فى الجاكعة فكيف ذلك مع العلم ان كلية الطب البيطري بادفينا فيها اخوااااااااااااااااااااااااااان كتييييييييييير
ردحذفاما انتم فى البستان على ما اعتقد ولكن انا اعرف ان بها اخوان هناك وكذلك اخواننا فى كلية الزراعة
وعموما جزاكى الله خيرا على شجاعتك وانا معاكى مش كل المواقف اللى تصرف بيها اه انا اخوان واللى عندك اعمله
ولكن فيه مواقف اخرى لابد وانا اعلن فيها هويتى واعلن التحدي ولكن كل موقف له ظروفه واحتياجاته
ولكن انا فى تجارة وعندنا اخوان الحمدلله كتيييييييير فى دمنهور بس الحمدلله انا اتعلم عليا من تاني يوم فى الدراسة والبركة فى رجالتكم بتوع كفر الدوار اصحاب اخويا علموا عليا ههههههههههه
ولكن بجد والله العظيم احسن فترة تحس بيها وانت فى ظل العمل بالجامعة ربنا يوفقك يارب والى مزيد ان شاء الله
اختى فيه نصيحة صغنونة كده بما انى فى عالم التدوين منذ عامين وهو ان عليك تحديد موعد لبوستاتك بمعنى انكى عليكى ان تعطى وقتا للزوار ان يقرءوا ما تكتبي فعليكى ان تنظمى كتاباتك على الاقل مقال اسبوعيا او مقالين لان يوميا هكذا كده المقالات لا تقرا يعنى انا غبت يومين رجعت لقيت حكايتك مع الله واكبر الجزء الاول والثاني فدى نصيحة منى انك تعطي فترة للناس
وجزاكى الله خيرا اختى الكريمة على سعة صدرك لنا ودومتى بخير
اخوكي النجم القادم
مدونة إوعى تخاف
دمنهور - بحيرة
أخي النجم القادم... شكرا علي تفاعلك بالمدونة .. واعذرني في عدم الخبرة الكافية في عالم المدونات ... ومنكم نستفيد بقي :)
ردحذفاما عن نشاط التيار عندنا لسه مفيش .. يمكن لان زي ما قلت ان عددنا اصلا صغير فسهل جدا يقفشوه في اقل حاجه .. اما بقا عندكم ؛ فمعروف طبعا ان اسكندرية ودمنهور من اكتر الكليات اللي فيها تفاعل تيار ..ربنا يبارك لكم يارب ...وانا بتبسم خيرا للكلية عندنا في الاعوام القادمه يكون فيه دفعات كتيرة ساعتها هينفع نكون كتله واحدة ..
جزاكى الله خيرا اختنا الكريمة والف مبروك على الافراج لبابا والمجموعة كلها وربنا يرجعهم بالسلامة ونحن تحت امرك يا استاذة في اي استفسارات وجزاكي الله خيرا
ردحذفأختى رفيدة جزاكى الله خيرا على زيارتك لمدونتى وأنا سعيدة جدا لتفاعلك بالمدونة وأنتظر تفاعلاتك ونصائحك واود التعرف عليكى فأنا أختك مروة ماليزى من اسكندرية وخريجة دراسات اسلامية وأعمل مدرسة قرآن بمدارس المدينة المنورة بنات
ردحذفالله يبارك في حضرتك والف مبروك لكل الاخوة وتقبل الله منا ومنك رمضان وعيد سعيد يارب علينا وعليك
ردحذفاهلا وسهلا أستاذة مروة ... نورتي مدونتي والله .. وانا سعيدة اني اتعرف علي حد زي حضرتك .. كل سنه وحضرتك طيبة وتقبل الله منا ومنك
ردحذفالف مبروك اختنا بابا فطر معاكم اظن انتى فى غاية الفرحة والسعادة ربنا يخلهولكم يارب
ردحذفالله يبارك في حضرتك ، طبعا في غايه الفرحه ، هو فيه احلي من لمة الاسرة علي الفطار :))
ردحذفالحمد لله انه لحق يومين في رمضان
لا طبعا مافيش احسن منها ربنا يتقبل منه ويلا اهو رجع ضيع علينا الحوار معاكم كده هههههههههههههههههههه
ردحذفمقال جميل جزاكم الله خيراً
ردحذفوربنا يجعل ده في ميزان حسناتك
بس في نصيحة صغيرة
لو في تحقيق رسمي أو حاجة
لاتقولي إنك عملت ولا إنك إخوان ولا ليك دعوة بحاجة
متشغليش بالك فطرق الددعوات ملئ بالاشواق
صلي علي النبي
عليه الصلاه والسلام ..
ردحذفشكراً أخي عاشق الجنه علي الرد والنصيحة .. ماهو بابا كان قالي كده بردو :D
السلام عليكم اخيتى رفيدة شكر الله لكى على زيارتك الكريمة لمدونتى قلم اخوانى وكم هو جميل هذا الحوار وان دل يدل على رجاحة عقلك الكبير كل عيد وحضرتك فى اتم الصحة والسعادة وان يرضى عنك ربك
ردحذفوعليكم السلام أخي ابو اويس شرفت المدونة بهذا التعليق وجزاك الله خيرا ... تقبل الله منا ومنك رمضان وعيد سعيد يارب علي حضرتك
ردحذفايه الجماله ده يا رفيده
ردحذفعلى فكره انا انهرت بمدونتك اوى
* طالبة اخوانية*
ردحذفأخجلتم تواضعنا حبيبتي .. وده من بعض ما عندكم
ونورتي المدونة :)