ليه حياتنا ماتكونتش ابسط من كده ؟؟
السلام عليكم .... كيفكم احبائي ؟؟ اتمني ان تكونو في احسن حال ...
مش عارفه بصراحه ابدأ منين .. بس فعلا ضغوطات الحياة خلتني افكر في الموضوع ده .... ليه دايماً بنكلكع الامور علي نفسنا ؟؟ رغم انها ممكن تكون بسيطة بس محتاجه ذكاء في التعامل ...
تلاقي البيت كله دوشة ووش .. رغم انه المفروض يكون موضع راحه وسكينه ...... الام تزعق لبنتها عشان ماجبتش درجه كويسه مثلا ... طيب فيها ايه لو كلمتيها باسلوب ارقي من كده ؟؟؟ هتفرق كتير جداً وهتلاحظي ده .. انما دايما جانب العنف هو المعروف لدينا ...
حصلت مشكلة كبيرة لا قدر الله .... استعن بالله واصبر .. هتتعصب مش هتلاقي نتيجة غير انك هتتعب ...هو ليه اكتر الدول المصابة بالضغط والسكر هي مصر ؟؟؟ يا عيني من كتر النرفذة والعصبية بتاعه الشعب .... اكيد فيه اسباب تانيه .. بس دول اهم الاسباب ...والمشكلة اننا مش بنتعلم ...دايماً نصرّ ع الزعيق والنرفذة ....في اوروبا بل في الدول المتقدمة من اسيا .. لا يصح ان يتخانق الابوان امام الاولاد الصغار ... عشان عندهم بيحترموا شخصية الابناء وبيحافظوا علي تربيتهم باسلوب صح وسليم ....
حاولوا تفكروا في الموضوع ده ..
بجد حاولوا تلم شمل الاسرة ....
عجبتني فكرة كتير حلوة ..عمو صاحب بابا بيعملها ...
انه بيجمع العائلة كلها ( تقريبا 7 أعمام و6 عمات ) في أول جمعه من كل شهر عربي .. فيبيته ...بيحافظ علي صلة الرحم وفي نفس الوقت بيبقي فيه فرصه انهم يقعدوا وياكلوا ويقربوا من بعض اكتر .... وده حاجه رسميه من كل شهر عربي ... ده غير بقي الاعياد والمناسبات الخاصة .. بجد حاجه كتير جميلة ...حتي الاولد هينهجوا نفس المنهاج .. وهيفضلوا يتواصلوا مع بعض زي ما كان ابائهم بيعملوا ...
ياريت بجد نحاول نقرب من بعض اكتر .. مش هتخسر حاجه لو قعدت مع اخوك او اختك تفتح معاه او معاها الكتاب ...هيحس انك بتهتم بيه .. وياسلام لو حفظته حاجه كانت صعبه عليه .. . انت هتاخد ثواب .. وهو عمره ما هينسالك الموقف ده ...
ونصيحة لوجه الله .. إياك والتكشييييييييييييييير .... خلي ابتسامتك الجميلة علامة ليك .....تصدق انهم عملوا احصائيات في محل الناس فيه بتبتسم للزبائن وبتتعامل معهم بذوق .. وناس تانيه طول النهار مكشرة ومبوذه ..
وجدوا ان المحل اللي اصحابه بيبتسموا للزبائن انه بيكسب 5 اضعاف من المحل اللي اصحابه طول النهار مخنوقين ومكشرين في التعامل مع الزباين
يارب تكون رسالتي وصلت .... ساعتها وانت في الشغل او الكلية او المدرسة هتشتاق انك ترجع لبيتك .. المكان اللي هتجد فيه سعادتك وراحه بالك ( مش النكد والزعل ) ...
ويلا بقي مش هطول عليكم .... دعواتكم :)
السلام عليكم..
ردحذفالهدوء ثم الهدوء ثم الهدوء..
هذا شعاري في البيت...رغم أن أسرتنا تتكون من 4 أفراد (بد زواج أختي) إلا أنني كنت أعاني عدم الهدوء في البيت في الفترة الماضية لكن الله سلم..وأصبحت الأمور على مايرام-بعض الشيئ-
وعندي أنه ليست هناك أي مشكلة تستدعي النرفزة-مهما كانت هذه المشكلة- وهذا مايضايق الكثير مني...رغم أنهم بعد العصبية...لايحلون الأمور إلا بتفكير هادئ !!
تدوينة لطيفة..جزاكم الله خيراً.
تحياتي.
السلام عليكم
ردحذفوالله هى دعوة حلوة وربنا يخليكوا لبعض
ما نحن فيه هو بسبب سيطرة المادة على عقولنا
لذلك أصبحت صلة الرحم شبه معدومة
جزاك الله خيرا
* مشخبطاتي *
ردحذفربنا يكرمك يا فندم . الهدوء فعلا مطلوب في البيت ... واي مشكلة لا تحل بالعصبية والنرفذة .. وفعلا القرارات اللي بتتاخد وقت عصبية بتبقي قرارات غير صحيحة وهوائيه مبنية علي مشاعر فقط ....
وفققكم الله :)
* عمرو جويلي *
ردحذفللاسف المادة فعلا ليها تأثير في موضوع صلة الرحم ... بس مش مع كل الناس ... فيه ناس الثروة عندهم هي علاقتهم ببعض .... وفعلا هي دي الثروة ... لان في الاول ولاخر الفلوس بتروح وبتيجي .. انما صلتنا بالناس هي دي الثروة الحقيقية ...وياريت الناس تفهم ده .. انا مش بقول اننا نسيب هدفنا في الرقي بحالتنا الاجتماعية .. بالعكس .. كلنا لازم نسعي لده .. انا بس بقول ندي اهتمام كمان باجتماعياتنا مع الناس .. وخاصة مع اقرب الناس لينا .. اسرتنا :)
من لا يستطيع الإبتسام ، فلا يحق له أن يفتح متجراً
ردحذفحكمة صينية
اولا الله يسامحك
ردحذفهتقولى ليه
ماانا عارف
انا هجاوب
كنت متابع المدونة التانيه
اللى هى يومياتك
وحكايه عجلاوى دى انا حفظتها
مش كان تدينا خبر على المدونة التانية
او حتى بتعليق بسيط على مدونتى اعرف ان حضرتك حولتى من المدونة
_______________
التعليق على الموضوع
حاجه جميله والله اللى بيعملها صاحب بباكى
ولكن الان الوقت لن يسعف احد اه والله
اقرب مثال
خالى كان كل اسبوعين يااتى لنا يوم الجمعه ويااكل معانا
وكان فى نصف الاسبوع
كل يومين او من شئ من هذا القبيل
وكان يقعد معاانا ولكن الان يااتى لنا فين وفين
___
شئ اخر
كان
كل جمعه ناس اصحاب ابى يقعدوا ونضحك مع بعض الان
منهم من سفر الى الكويت ومهم من سافر الى السعويده
ومنهم ومنهم
______
كلامى لا يعنى ان احان نقاطع صله الرحم
واللى فكرنى بالمدونة بعد غياب
ردحذفمش فاكر فين سمعت اسم رفيده
فاافتكرت المدونة
فقلت والله لاادخل عليها
هنقول ايه غير دائما مبدعة
ردحذففمن ابداع الي ابداع ونحن في انتظارك